வாழ்க்கையுடன் ஏன் இந்த போராட்டம்?

நிதர்சனத்தை எதிர்த்து ஏன் இந்த மோதல்?

வானமும் பூமியும் உனக்காக திறந்தே இருக்கு

அன்பும் அமைதியும் உன் அருகிலேயே இருக்கு

சந்தோசமும் சிரிப்பும் உனக்காக காத்திருக்கு

நிபந்தனைகள் வைத்து ஏன் எதிர்கின்றாய்?

கோரிக்கைகள் வைத்து ஏன் நிராகரிக்கின்றாய்?

பயம் கொண்டு ஏன் மூடிக்கொள்கின்றாய்?

மனதில் ஏன் இந்த அழுத்தமும் இறுக்கமும்?

எதை சாதிக்க இந்த அலங்கோலம்?

எதை நிரூபிக்க இந்த பரிதாபம்?

மனதில் ஏன் இத்தனை பாரம்?

அதை சுமந்து அலைவதில் என்ன பயன் கண்டாய்?

அதை இறக்கி வைக்க ஏன் இத்தனை தயக்கம்?

ஏன் இந்த எரிச்சலும் வாட்டமும்?

நீ விளையாடி அனுபவிக்க என்ன தடை?

உன் அகமலர்ந்த நடனத்தை தடுப்பது எது?

உன் முகமலர்ந்த சிரிப்பை முடக்குவது எது?

மிக எளிது, துயரம் கொண்டு துவண்டு விழ

மிக்க தைரியம் வேண்டும், சுதந்திரமாய் பறக்க!

மிக எளிது, சோகத்தில் வாட

மிக்க தைரியம் வேண்டும், வாய்விட்டு சிரிக்க!

——

CK. காமராஜ்

21 ஜனவரி 2019 (தமிழ்)

31 டிசம்பர் 2018 (English)